ജനങ്ങൾ മതേതരപക്ഷം ചേർന്ന് രാഹുൽ ഗാന്ധിയെ തുണച്ചു --കോൺഗ്രസ് മംഗളൂരു: ജനങ്ങൾ നരേന്ദ്ര മോദി സർക്കാറിെൻറ വഞ്ചനക്കും സംഘ്പരിവാർ ഫാഷിസത്തിനുമെതിരെ മതേതരപക്ഷം ചേർന്ന് നൽകിയ പിന്തുണയാണ് കോൺഗ്രസ് അധ്യക്ഷൻ രാഹുൽ ഗാന്ധിയുടെ ജില്ലയിലെ പരിപാടി വൻവിജയമാക്കിയതെന്ന് ജില്ല ചുമതലയുള്ള മന്ത്രി ബി. രമാനാഥ റൈ വാർത്തസമ്മേളനത്തിൽ പറഞ്ഞു. രാഹുൽ അടുത്ത പ്രധാനമന്ത്രിയാവണമെന്ന പ്രതീക്ഷയാണ് ജനങ്ങൾക്ക്. ജില്ലയിൽ രാഹുൽ ഗാന്ധിയുടെ പരിപാടികളിൽ പൊതുവെയും മംഗളൂരു നെഹ്റു മൈതാനിയിലെ റാലിയിൽ പ്രത്യേകമായും ദൃശ്യമായ വൻ ജനപങ്കാളിത്തം രാഷ്ട്രീയ എതിരാളികളെ അക്ഷരാർഥത്തിൽ ഞെട്ടിച്ചിട്ടുണ്ട്. ഈ ആവേശം പാർട്ടി കെടാതെ സൂക്ഷിക്കും. അടുത്ത നിയമസഭ തെരഞ്ഞെടുപ്പിൽ ദക്ഷിണ കന്നട ജില്ലയിലെ എട്ട് നിയമസഭ മണ്ഡലങ്ങളിലും കോൺഗ്രസ് വിജയിക്കുമെന്ന് മന്ത്രി റൈ പറഞ്ഞു. വാർത്തസമ്മേളനത്തിൽ ഡി.സി.സി പ്രസിഡൻറ് ഹരീഷ്കുമാർ, എ.ഐ.സി.സി അംഗം കവിത സനിൽ, ഇബ്രാഹിം കൊടിജാൽ, ശശിധർ ഹെഗ്ഡെ, മമത ഗട്ടി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.