കാസർകോട്: എൻഡോസൾഫാൻ ദുരിതബാധിതരുടെ ലിസ്റ്റില് ഉള്പ്പെടാത്ത ദുരിതബാധിതരുണ്ടെങ്കില് മാനദണ്ഡങ്ങള് പ്രകാരം പരിശോധന നടത്തി നടപടി സ്വീകരിക്കാന് മുഖ്യമന്ത്രി നിർദേശിച്ചു. അഞ്ചുഘട്ടങ്ങളായുള്ള പരിശോധനയിലൂടെയാണ് ധനസഹായത്തിന് അര്ഹരായ ദുരിതബാധിതരെ നിര്ണയിക്കുന്നത്. മുഴുവന് എന്ഡോസള്ഫാന് ദുരിതബാധിതരെയും ബി.പി.എല് വിഭാഗത്തിൽപെടുത്തി റേഷന് ആനുകൂല്യങ്ങള് അനുവദിക്കുന്നതിന് കേന്ദ്രസര്ക്കാറുമായി ബന്ധപ്പെട്ട് നടപടി സ്വീകരിക്കാന് തീരുമാനിച്ചു. കേന്ദ്രത്തിെൻറ ദേശീയ ഭക്ഷ്യസുരക്ഷ നിയമം നടപ്പാക്കിയപ്പോള് പല കുടുംബങ്ങളും ബി.പി.എല് പട്ടികയില്നിന്ന് പുറത്തുപോയി. എന്ഡോസള്ഫാന് ദുരിതബാധിതര്ക്ക് പ്രത്യേക പരിഗണനയില്ല. ഇത് കണക്കിലെടുത്താണ് മുഴുവന് കുടുംബങ്ങളെയും ബി.പി.എല് വിഭാഗത്തില് ഉള്പ്പെടുത്തുന്നതിന് മാനദണ്ഡങ്ങളില് ഇളവുവരുത്താന് കേന്ദ്രസര്ക്കാറിനോട് ആവശ്യപ്പെടുന്നത്. ദുരിതബാധിതര്ക്കുവേണ്ടി പുനരധിവാസ വില്ലേജ് സ്ഥാപിക്കുന്നതിന് സര്ക്കാര് ഉടനെ ഭരണാനുമതി നല്കും. കമ്പനികളുടെ സാമൂഹിക ഉത്തരവാദിത്ത ഫണ്ട് ഇതിന് പ്രയോജനപ്പെടുത്താന് കഴിയുമോ എന്ന് പരിശോധിക്കും. കാസർകോട് ജില്ലയില് സര്ക്കാര് നടപ്പാക്കുന്ന എന്ഡോസള്ഫാന് സഹായപദ്ധതികളും പുനരധിവാസ പദ്ധതികളും അവലോകനംചെയ്യുന്നതിന് വിദഗ്ധസമിതിയെ നിയോഗിക്കാനും തീരുമാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.