കാസർകോട്: അടച്ചുപൂട്ടാതിരിക്കാൻ കാരണം കാണിച്ച് ജില്ലയിൽ വിദ്യാഭ്യാസ വകുപ്പ് നോട്ടീസ് നൽകിയ സ്കൂളുകളിൽ അംഗീകാരമുള്ള ചായ്യോത്ത് മദർ അലക്സിയ ഇംഗ്ലീഷ് മീഡിയം സ്കൂളും. 2017 ജൂണിൽ സ്കൂളിന് സി.ബി.എസ്.ഇ അംഗീകാരം ലഭിച്ചിട്ടുണ്ട്. ഇതുപ്രകാരം ജില്ല വിദ്യാഭ്യാസ ഓഫിസിലേക്ക് രജിസ്ട്രേഡ് ആയി രേഖകൾ സമർപ്പിച്ചിരുന്നു. ഇത് അപ്ഡേറ്റ് ചെയ്യുന്നതിൽ വിദ്യാഭ്യാസ ഒാഫിസിനു വന്ന വീഴ്ചയാണ് സ്കൂളിെൻറ പേര് അംഗീകാരമില്ലാത്തവയുടെ പട്ടികയിൽ വരാനിടയാക്കിയതെന്ന് മാനേജ്മെൻറ് അറിയിച്ചു. സ്കൂൾ അധികൃതർ ചൊവ്വാഴ്ച ജില്ല വിദ്യാഭ്യാസ ഓഫിസിലെത്തി രേഖകൾ കാണിച്ച് ഇക്കാര്യം ബോധ്യപ്പെടുത്തി പ്രവർത്തനാംഗീകാരമുണ്ടെന്ന് ഉറപ്പാക്കി. ഇൗ രീതിയിൽ, അംഗീകാരമുണ്ടായിട്ടും നോട്ടീസ് ലഭിച്ച സ്കൂളുകൾക്ക് ജില്ല വിദ്യാഭ്യാസ ഓഫിസിൽ രേഖകൾ സമർപ്പിച്ചാൽ തുടർ നടപടികളിൽനിന്ന് ഒഴിവാക്കുമെന്ന് വിദ്യാഭ്യാസ വകുപ്പ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.