പഴയങ്ങാടി: പഴയങ്ങാടി പാലത്തിനടുത്തായി താവത്ത് പ്രവർത്തിക്കുന്ന പ്രതീക്ഷ ബാറിൽ സംഘം ചേർന്ന് ആക്രമണം. ശനിയാഴ്ച രാത്രി 11.30ഒാടെ ബാറിലെത്തിയ ഇരുപതോളം പേരടങ്ങുന്ന സംഘമാണ് ആക്രമണം നടത്തിയത്. ബാറിെൻറ കതക്, ജനൽചില്ലുകൾ എന്നിവ അടിച്ചുതകർത്തു. ബാറിലെ നിരവധി സാധനസാമഗ്രികളും തകർന്നിട്ടുണ്ട്. കഴിഞ്ഞദിവസം ബാറിൽനിന്ന് അരലിറ്റർ മദ്യം മോഷ്ടിച്ചുവെന്ന ആരോപണവുമായി ബന്ധപ്പെട്ടുണ്ടായ സംഘർഷത്തിൽ യുവാവിന് പരിക്കേറ്റിരുന്നു. ഇതിെൻറ തുടർച്ചയാണ് ശനിയാഴ്ച രാത്രിയിലെ ആക്രമണമെന്നു കണ്ണപുരം പൊലീസ് പറഞ്ഞു. മൂന്നരലക്ഷം രൂപയുടെ നഷ്ടം സംഭവിച്ചതായും കൗണ്ടറിൽനിന്ന് 50,000 രൂപയും 19,000 രൂപയുടെ മദ്യവും കവർന്നതായും ബാറുടമ കണ്ണപുരം പൊലീസിൽ നൽകിയ പരാതിയിൽ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.