പയ്യന്നൂർ: അസുഖത്തെ തുടർന്ന് രണ്ടു വർഷത്തിലധികമായി ചികിത്സയിൽ കഴിയുന്ന സിവിൽ പൊലീസ് ഓഫിസർ കണ്ടോത്ത് നോർത്തിലെ മയിച്ച രവീന്ദ്രെൻറ വീട് നിർമാണത്തിന് കല്ലുകെട്ടൽ പ്രവൃത്തി പയ്യന്നൂർ മേഖല കല്ലുകെട്ട് സംഘം സൗജന്യമായി ചെയ്യും. പൊലീസ് അസോസിയേഷൻ, പൊലീസ് ഓഫിസേഴ്സ് അസോസിയേഷൻ, നാട്ടുകാർ തുടങ്ങിയവർ ചേർന്നാണ് വീട് നിർമിക്കുന്നത്. വീടിെൻറ ശിലാസ്ഥാപനം പയ്യന്നൂർ സി.ഐ എം.പി. ആസാദ് നിർവഹിച്ചു. സി. കരുണാകരൻ, കെ. ജയരാജ്, പി. ഷിജിത്ത്, പി.പി. മഹേഷ്, ടി. ജയപ്രകാശൻ, പി. രവീന്ദ്രൻ, ടി. ഗിരീഷ് ബാബു, ബി. രാജ് കുമാർ, എം. ഭാസ്കരൻ, ടി. രാജീവൻ എന്നിവർ സംബന്ധിച്ചു. മേഖല കല്ലുകെട്ട് സംഘം സെക്രട്ടറി കെ.വി. രവി, പ്രസിഡൻറ് സുരേഷ് വെള്ളൂർ എന്നിവരുടെ നേതൃത്വത്തിൽ 12 തൊഴിലാളികളാണ് ആദ്യ ദിവസം ജോലി ചെയ്തത്. സെൻട്രൽ, സെഞ്ച്വറി ക്ലബ് പ്രവർത്തകരും നാട്ടുകാരും സഹായത്തിനെത്തി. ആറുമാസം കൊണ്ട് നിർമാണം പൂർത്തിയാക്കാനാണ് ലക്ഷ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.