ശ്രീകണ്ഠപുരം: എക്സൈസ് പരിശോധനയിൽ കഞ്ചാവും മയക്കുമരുന്നുമായി യുവാവ് അറസ്റ്റിൽ. ശ്രീകണ്ഠപുരം എക്സൈസ് ഇൻസ്പെക്ടർ പി.പി. ജനാർദനെൻറ നേതൃത്വത്തിൽ കൂട്ടുപുഴ, പേരട്ട ഭാഗങ്ങളിൽ നടത്തിയ പരിശോധനയിലാണ് പാലക്കാട് മണ്ണാർക്കാട് സ്വദേശി കാരക്കുറിശ്ശി വീട്ടിൽ ഷാനവാസിനെ (24) അറസ്റ്റ് ചെയ്തത്. ഇയാളിൽ നിന്ന് 400 ഗ്രാം എം.ഡി.എം.എ എന്ന മാരക മയക്കുമരുന്നും 25 ഗ്രാം കഞ്ചാവും പിടിച്ചെടുത്തു. വിദേശ രാജ്യങ്ങളിൽ ലഭിക്കുന്ന ഈ മയക്കുമരുന്ന് ബംഗളൂരുവിൽ നിന്നാണ് കൊണ്ടുവന്നതെന്നാണ് പ്രതി പറഞ്ഞത്. ഇതിെൻറ നാല് ഗ്രാം ഉപയോഗം 48 മണിക്കൂർ വരെ ലഹരി നിലനിർത്തുമെന്നും ഇതിന് കിലോക്ക് കോടിക്കണക്കിന് രൂപ വിലയാണ് മാർക്കറ്റിലുള്ളതെന്നും എക്സൈസ് അധികൃതർ പറഞ്ഞു. ജില്ലയിൽ ആദ്യമായാണ് എം.ഡി.എം.എ ലഹരി മരുന്ന് പിടികൂടുന്നത്. പ്രതിയെ മട്ടന്നൂർ കോടതിയിൽ ഹാജരാക്കി. പ്രിവൻറിവ് ഓഫിസർമാരായ പി.ടി. യേശുദാസൻ, പി.ആർ, സജീവ്, സിവിൽ എക്സൈസ് ഓഫിസർമാരായ എം.വി. അഷറഫ്, പി.വി. പ്രകാശൻ, കെ. രമേശൻ, അബ്ദുൽ ലത്തീഫ്, ടി.ഒ. വിനോദ് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.