തലശ്ശേരി: രാഷ്ട്രീയ മാധ്യമിക് ശിക്ഷാ അഭിയാെൻറ (ആർ.എം.എസ്.എ) നേതൃത്വത്തിൽ ജില്ലയിലെ സെക്കൻഡറി മേഖലയിൽ പഠന പിന്നാക്കാവസ്ഥ പരിഹരിക്കുന്നതിനുള്ള 'നവപ്രഭ' പദ്ധതി കോഒാഡിനേറ്റർമാരുടെ അവലോകന യോഗം തലശ്ശേരി ഗവ. ഗേൾസ് ഹയർസെക്കൻഡറി സ്കൂളിൽ നടന്നു. എല്ലാ പൊതുവിദ്യാലയവും അവർ നടപ്പാക്കിയ തനത് പരിപാടികൾ പങ്കുവെച്ചു. ഗണിതം, ശാസ്ത്രം, മലയാളം, ഇംഗ്ലീഷ് എന്നീ വിഷയങ്ങളിലുള്ള പിന്നാക്കാവസ്ഥ പരിഹരിക്കാനും പൊതുവിദ്യാഭ്യാസ സംരക്ഷണയജ്ഞത്തിന് ഉൗർജംനൽകാനും ഇതുവഴി സാധിച്ചു. മാർച്ചിൽ എല്ലാ വിദ്യാലയങ്ങളിലും രക്ഷിതാക്കളുടെ യോഗം വിളിച്ച് വിജയപ്രഖ്യാപനം നടത്തും. നവപ്രഭ പദ്ധതിയുടെ ജില്ലതല അവലോകനയോഗം തലശ്ശേരി ഡി.ഇ.ഒ ശശിപ്രഭ ഉദ്ഘാടനം ചെയ്തു. പ്രോജക്ട് ഒാഫിസർ കെ.എം. കൃഷ്ണദാസ് അധ്യക്ഷത വഹിച്ചു. മോഹനൻ, ശശിധരൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.