കണ്ണൂർ: യഥാസമയം ശമ്പളം വിതരണം ചെയ്യുമെന്ന് ഉറപ്പുവരുത്തുക, ബോണസ് അനുവദിക്കുക, ഉയർന്ന മിനിമം വേതനവും കുടിശ്ശികയും നൽകുക, തുല്യജോലിക്ക് തുല്യവേതനം നൽകുക, കരാർ തൊഴിലാളികളെ സ്ഥിരപ്പെടുത്തുക തുടങ്ങിയ ആവശ്യങ്ങളുന്നയിച്ച് ബി.എസ്.എൻ.എൽ കാഷ്വൽ കോൺട്രാക്ട് ലേബേഴ്സ് യൂനിയൻ (സി.െഎ.ടി.യു) ജനറൽ മാനേജർ ഒാഫിസിനു മുന്നിൽ പ്രതിഷേധ മാർച്ചും ധർണയും സംഘടിപ്പിച്ചു. യൂനിയൻ സംസ്ഥാന പ്രസിഡൻറ് കെ.കെ. രാഗേഷ് എം.പി ഉദ്ഘാടനം ചെയ്തു. ജില്ല പ്രസിഡൻറ് രവീന്ദ്രൻ കൊടക്കാട് അധ്യക്ഷത വഹിച്ചു. ബി.എസ്.എൻ.എൽ എംപ്ലായീസ് യൂനിയൻ സംസ്ഥാന പ്രസിഡൻറ് പി. മനോഹരൻ, കെ. അശോകൻ എന്നിവർ സംസാരിച്ചു. ജില്ല സെക്രട്ടറി വി.വി. കൃഷ്ണൻ സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.