മംഗളൂരു: കാലിക്കച്ചവടക്കാരൻ ഹുസൈനബ്ബയുടെ തലേക്കറ്റ മാരക പരിക്കാണ് മരണകാരണമെന്ന് മണിപ്പാൽ ഹോസ്പിറ്റലിൽ നടത്തിയ പോസ്റ്റ്മോർട്ടം റിപ്പോർട്ട്. ഇതോടെ മരണകാരണം ഹൃദയാഘാതം മൂലമാണെന്ന് പൊലീസ് മെനഞ്ഞ കഥ പൊളിഞ്ഞു. പോസ്റ്റ്മോർട്ടം റിപ്പോർട്ട് അന്വേഷണസംഘം കോടതിയിൽ സമർപ്പിച്ചു. കഴിഞ്ഞമാസം 30നാണ് ഹുസൈനബ്ബ കൊല്ലപ്പെട്ടത്. അടിച്ചുകൊന്ന് പെർഡൂരിലെ കുന്നിൻമുകളിൽ തള്ളുകയായിരുന്നു. ഹരിയടുക്ക പൊലീസ് സബ്ഇൻസ്പെക്ടർ ഉൾപ്പെടെ മൂന്ന് പൊലീസുകാരും ബജ്റംഗ്ദൾ പ്രവർത്തകരുമുൾപ്പെടെ 11 പേരാണ് കേസിലെ പ്രതികൾ. കേസ് അന്വേഷണം സി.ഐ.ഡി ഏറ്റെടുത്തു. പൊലീസുകാർ ഒഴികെയുള്ള പ്രതികളുടെ ജുഡീഷ്യൽ കസ്റ്റഡി ജൂൺ 28 വരെ നീട്ടി. കാർവാർ ജയിലിൽ ജുഡീഷ്യൽ കസ്റ്റഡിയിലുള്ള പൊലീസുകാരായ പ്രതികളെ ആരോഗ്യപ്രശ്നങ്ങൾ കാരണം ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.