മംഗളൂരു: ഈദുൽ ഫിത്ർ നമസ്കാരം നടക്കുന്ന ലൈറ്റ്ഹൗസ് ഹിൽ ഈദ്ഗാഹ് മസ്ജിദ് പരിസരത്ത് ഗതാഗത നിയന്ത്രണം ഏർപ്പെടുത്തുമെന്ന് സിറ്റി പൊലീസ് കമീഷണർ വിപുൽ കുമാർ വാർത്തസമ്മേളനത്തിൽ അറിയിച്ചു. രാവിലെ ഏഴിനാണ് നമസ്കാരം. ഇത് പ്രമാണിച്ച് രാവിലെ 6.30 മുതൽ 10 വരെ ലൈറ്റ്ഹൗസ് റോഡ് അടക്കും. ഇതുവഴി പോവേണ്ട വാഹനങ്ങൾ കെ.എസ്. റാവു റോഡ് ഫൽനീർ റൂട്ടിൽ തിരിച്ചുവിടും. പെരുന്നാളിനോടനുബന്ധിച്ച് സാമൂഹിക വിരുദ്ധർ നടത്തുന്ന കുപ്രചാരണങ്ങളും ഊഹാപോഹങ്ങളും ജനങ്ങൾ മുഖവിലക്കെടുക്കരുത്. മതമൈത്രിക്ക് പേരുകേട്ട മംഗളൂരുവിൽ ഈയിടെയായി സാമൂഹികവിരുദ്ധർ വിദ്വേഷപ്രചാരണം നടത്തുന്നുണ്ട്. സമൂഹമാധ്യമങ്ങൾ ഇതിനായി ഉപയോഗിക്കുന്നു. ജനങ്ങൾ ജാഗ്രത പാലിക്കണമെന്ന് കമീഷണർ അഭ്യർഥിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.