പാനൂർ: പ്രൈമറി സ്കൂൾ വിദ്യാർഥികൾക്ക് പഠനോപകരണങ്ങൾ നൽകിയും പ്രദേശത്തെ വൃക്കരോഗികൾക്ക് സാമ്പത്തിക സഹായം നൽകിയും നവ മാധ്യമ കൂട്ടായ്മയുടെ മാതൃകാ പ്രവർത്തനം. പോരാളികൾ വാട്സ്ആപ് കൂട്ടായ്മയാണ് മാതൃകാ പ്രവർത്തനവുമായി രംഗത്തെത്തിയത്. കണ്ണങ്കോട് വെസ്റ്റ് എൽ.പി സ്കൂളിലെ മുഴുവൻ വിദ്യാർഥികൾക്കും പഠനോപകരണങ്ങൾ നൽകി. മഠത്തിൽ അമ്മദ് മാസ്റ്ററുടെ സ്മരണക്കായാണ് പരിപാടി ഒരുക്കിയത്. ചടങ്ങിൽ പാനൂർ സി.ഐ വി.വി. ബെന്നി പഠനോപകരണങ്ങൾ വിതരണം ചെയ്തു. വൃക്കരോഗികൾക്കുള്ള ധനസഹായ വിതരണം കുന്നോത്ത്പറമ്പ് പഞ്ചായത്ത് പ്രസിഡൻറ് കരുവാങ്കണ്ടി ബാലൻ നിർവഹിച്ചു. എൽ.എസ്.എസ് ജേതാക്കളെ പാനൂർ എ.ഇ.ഒ സി.കെ. സുനിൽകുമാർ ആദരിച്ചു. ഉച്ചഭക്ഷണ പാത്ര വിതരണം പഞ്ചായത്ത് സ്റ്റാൻഡിങ് കമ്മിറ്റി അധ്യക്ഷ കെ.പി. സമീറ നിർവഹിച്ചു. പി.ടി.എ പ്രസിഡൻറ് റസാഖ് പൂതങ്കോട് അധ്യക്ഷത വഹിച്ചു. അബ്ദുല്ല പൂതങ്കോട് സ്വാഗതം പറഞ്ഞു. മഠത്തിൽ അമ്മദ് മാസ്റ്ററെ അഡ്വ. കെ.സി. അംജത് മുനീർ അനുസ്മരിച്ചു. അബൂബക്കർ പുത്തൂർ ട്രോഫി വിതരണം നിർവഹിച്ചു. പഞ്ചായത്തംഗം കെ. റിനീഷ്, എം.എൻ. അസീസ്, വി.പി. രാജൻ, സി.കെ. കുഞ്ഞിക്കണ്ണൻ, പി.വി. മൂസ, എ.കെ. ഹരിദാസൻ, പൊന്നത്ത് നാണു, ടി.കെ. ഉസ്മാൻ ഹാജി, ടി.ടി. അസൈനാർ, കെ.സി. അൻവർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.