തലശ്ശേരി: യൂത്ത് കോൺഗ്രസ് തലശ്ശേരി ബ്ലോക്ക് സെക്രട്ടറി ശുൈഹബിനെ ആക്രമിച്ച സംഭവത്തിൽ എസ്.ഡി.പി.ഐക്ക് പങ്കില്ലെന്നും ആരോപണം കെട്ടിച്ചമച്ചതും വസ്തുതാവിരുദ്ധവുമാണെന്നും എസ്.ഡി.പി.ഐ തലശ്ശേരി മണ്ഡലം കമ്മിറ്റി പ്രസ്താവനയിൽ അറിയിച്ചു. തലശ്ശേരി ചേറ്റംകുന്നിലെ ഒരു ക്വാർട്ടേഴ്സുമായി ബന്ധപ്പെട്ട് ചിലരുമായുണ്ടായ വാക്തർക്കവും തുടർന്നുണ്ടായ കൈയേറ്റത്തെയും തുടർന്നാണ് ശുഹൈബിനെ ആശുപത്രിയിൽ പ്രവേശിപ്പിച്ചത്. പാർട്ടി ഓഫിസിൽ കയറി എസ്.ഡി.പി.ഐ പ്രവർത്തകർ ശുഹൈബിനെ മർദിച്ചു എന്ന ആരോപണം ശുദ്ധ നുണയാെണന്നും പ്രസ്താവനയിൽ പറഞ്ഞു. യോഗത്തിൽ മണ്ഡലം പ്രസിഡൻറ് അഡ്വ. കെ.സി. മുഹമ്മദ് ഷബീർ അധ്യക്ഷത വഹിച്ചു. അഷറഫ് കൈവട്ടം, നൗഷാദ് ബംഗ്ല, മൻഷൂദ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.