പഴയങ്ങാടി: പ്ലാസ്റ്റിക്കിനെ ചെറുക്കൂ, പരിസ്ഥിതിയെ രക്ഷിക്കൂ എന്ന സന്ദേശത്തോടെ കല്യാശ്ശേരി മണ്ഡലത്തിലെ സ്കൂളുകളിൽ നടത്തുന്ന പരിസ്ഥിതി ബോധവത്കരണ പരിപാടിക്ക് തുടക്കമായി. ടി.വി. രാജേഷ് എം.എൽ.എയുടെ നേതൃത്വത്തിൽ നടപ്പാക്കുന്ന സമഗ്ര വിദ്യാഭ്യാസ പദ്ധതിയുടെ ഭാഗമായാണ് പരിപാടി. ഇതിെൻറ ഭാഗമായി പ്ലാസ്റ്റിക് മാലിന്യത്തിെൻറ ഭവിഷ്യത്തുക്കളും പാരിസ്ഥിതിക പ്രശ്നങ്ങളും വിളിച്ചോതുന്ന ഹ്രസ്വചിത്രം സ്കൂളുകളിൽ പ്രദർശിപ്പിച്ചു. സുരേന്ദ്രൻ അടുത്തിലയാണ് ചിത്രം നിർമിച്ചത്. ബോധവത്കരണ പരിപാടി മണ്ഡലംതല ഉദ്ഘാടനം കൊട്ടില ഗവ. ഹയർ സെക്കൻഡറി സ്കൂളിൽ ജില്ല പഞ്ചായത്ത് പ്രസിഡൻറ് കെ.വി. സുമേഷ് ഉദ്ഘാടനം ചെയ്തു. സുരേന്ദ്രൻ അടുത്തില ക്ലാസെടുത്തു. പ്രിൻസിപ്പൽ പി. നാരായണൻ സ്വാഗതം പറഞ്ഞു. ഏഴോം ഗ്രാമപഞ്ചായത്ത് പ്രസിഡൻറ് ഡി. വിമല അധ്യക്ഷത വഹിച്ചു. മാടായി ഉപജില്ല വിദ്യാഭ്യാസ ഓഫിസർ പി. അബ്ദുല്ല, ബി.പി.ഒ രാജേഷ് കടന്നപ്പള്ളി, പി. ഷാജിറാം, പി.എം. ഉണ്ണികൃഷ്ണൻ, പി.വി. പ്രസാദ്, കെ. മനോഹരൻ എന്നിവർ സംസാരിച്ചു. കെ. മനോജ് കുമാർ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.