തളിപ്പറമ്പ്: ഫേസ്ബുക് വഴി കീഴാറ്റൂര് സമരനായിക നമ്പ്രാടത്ത് ജാനകിയമ്മയുടെ വീടിനും പശുക്കൾക്കും നേരെ ബോംബെറിഞ്ഞതായി വ്യാജപ്രചാരണം. സംഭവത്തിൽ പൊലീസ് കേസെടുത്തു. ജാനകിയമ്മയുടെ പശുക്കള്ക്കുനേരെ ബോംബെറിഞ്ഞതായാണ് ഞായറാഴ്ച രാത്രി 11 മണിയോടെ ഫേസ്ബുക്കിൽ രണ്ട് പോസ്റ്റുകൾ പ്രത്യക്ഷപ്പെട്ടത്. ജോയ്മോന് എന്ന പേരിലുള്ള പ്രൊഫൈലിലാണ് പോസ്റ്റ് കണ്ടത്. ഇതുകണ്ട ചിലർ സ്റ്റേഷനില് വിവരമറിയിച്ചതോടെ തളിപ്പറമ്പ് സി.െഎ വയൽക്കിളി പ്രവർത്തകരുമായി ഫോണില് ബന്ധപ്പെടാൻ ശ്രമിച്ചെങ്കിലും കിട്ടിയില്ല. തുടർന്ന് പൊലീസ് കീഴാറ്റൂരിലെത്തി അന്വേഷണം നടത്തിയപ്പോഴാണ് പ്രചാരണം വ്യാജമാണെന്ന് കണ്ടെത്തിയത്. അന്വേഷണത്തില് ജോയ്മോന് എന്ന പേരിലുള്ള പ്രൊഫൈലും വ്യാജമാണെന്ന് കണ്ടെത്തിയിട്ടുണ്ട്. വ്യാജപ്രചാരണം നടത്തി പരിഭ്രാന്തി പരത്തിയതിന് സി.പി.എം നോർത്ത് ലോക്കൽ കമ്മിറ്റിയംഗം ടി.വി. വിനോദിെൻറ പരാതിയിൽ പൊലീസ് കേസെടുക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.