തളിപ്പറമ്പ്: സോളിഡാരിറ്റി ജില്ല കമ്മിറ്റിയുടെ ആഭിമുഖ്യത്തിൽ പരിസ്ഥിതി ദിനത്തോടനുബന്ധിച്ച് 'വീട്ടിൽ ഒരു ഫലവൃക്ഷം' കാമ്പയിൻ ആരംഭിച്ചു. ജില്ലയുടെ വിവിധ ഭാഗങ്ങളിൽ സർക്കാർ സ്ഥാപനങ്ങൾ, വഴിയോരങ്ങൾ, പ്രവർത്തകരുടെ വീടുകൾ തുടങ്ങിയ സ്ഥലങ്ങളിൽ നട്ടുപിടിപ്പിക്കുന്ന ഫലവൃക്ഷ തൈകളുടെ ജില്ലതല ഉദ്ഘാടനം സംസ്ഥാന സമിതിയംഗം സാദിഖ് ഉളിയിൽ തളിപ്പറമ്പ് സെൻറ്മേരി ചർച്ച് വികാരി ഫാ. അബ്രഹാമിന് നൽകി നിർവഹിച്ചു. ജില്ല സെക്രട്ടറി കെ.എം. അഷ്ഫാഖ് അധ്യക്ഷത വഹിച്ചു. കണ്ണൂർ തഹസിൽദാർ കെ.വി. അബ്ദുൽ റഷീദ്, ജമാഅെത്ത ഇസ്ലാമി ജില്ല അസി. സെക്രട്ടറി കെ.പി. ആദംകുട്ടി, കെ.കെ. മുഹമ്മദ് അസ്കർ എന്നിവർ സംസാരിച്ചു. തളിപ്പറമ്പ് ഏരിയ പ്രസിഡൻറ് മുസദ്ദിഖ് സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.