തൃക്കരിപ്പൂർ: കവ്വായിക്കായലിൽ മീൻപിടിക്കുന്നതിനിടെ മിന്നലേറ്റ് ഒരാൾ മരിച്ചു. കൂടെയുണ്ടായിരുന്നയാൾക്ക് പരിക്കേറ്റു. ഞായറാഴ്ച സന്ധ്യക്കുശേഷം കവ്വായിക്കായലിൽ ഇടയിലക്കാട് പാലത്തിന് സമീപമാണ് അപകടം. പാലത്തിനുസമീപം താമസിക്കുന്ന ചന്തൂട്ടി-തമ്പായി ദമ്പതിമാരുടെ മകൻ സി. സുമേഷ് (32) ആണ് മരിച്ചത്. കൂടെയുണ്ടായിരുന്ന കടിയാൻ കരുണാകരനെ (55) പരിക്കുകളോടെ ആശുപത്രിയിൽ പ്രവേശിപ്പിച്ചു. തോണിയിൽനിന്ന് വലവീശുമ്പോൾ മിന്നലേറ്റ് പുഴയിൽ വീഴുകയായിരുന്നു. കരയിലുണ്ടായിരുന്നവരുടെ സഹായത്തോടെ തൃക്കരിപ്പൂരിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. ജ്യോതിയാണ് സുമേഷിെൻറ ഭാര്യ. മകൾ: തന്മയ (രണ്ടുവയസ്സ്). സഹോദരങ്ങൾ: സുനിത, സുജിത. മൃതദേഹം പരിയാരം മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.