പനി പടരുന്നതിൽ മലപ്പുറവും കോഴിക്കോടും മുന്നിൽ

കണ്ണൂർ: മേയിൽ സംസ്ഥാനത്ത് പനിബാധിച്ച് മരിച്ചവരുടെ എണ്ണം 11. കഴിഞ്ഞവർഷം മേയിൽ മൂന്നു മരണമാണ് റിപ്പോർട്ട് ചെയ്തിരുന്നത്. നിപ വൈറസ് മരണത്തിന് പുറേമയാണിത്. 2017ൽ വിവിധ പനി മരണനിരക്ക് 76 ആയിരുന്നു. ഇൗ വർഷം േമയ് 31വരെയുള്ള അഞ്ചു മാസത്തിനകം 23 പേരാണ് മരിച്ചത്. 23 പേരിൽ ഏഴു മരണം മലപ്പുറത്ത് നിന്നാണ് റിപ്പോർട്ട് ചെയ്തത്. കഴിഞ്ഞ അഞ്ചു മാസം പനിചികിത്സക്ക് എത്തിയ 9,67,635 പേരിൽ ഏറ്റവും കൂടുതൽ ചികിത്സതേടിയതും മലപ്പുറം, കോഴിക്കോട് ജില്ലകളിലാണ്. മലപ്പുറത്ത് 1,41,933 പേരും കോഴിക്കോട്ട് 1,06,218 പേരുമാണ് പനിചികിത്സക്കായി ആശുപത്രിയിലെത്തിയത്. കഴിഞ്ഞ അഞ്ചു മാസത്തിനിടയിൽ സംസ്ഥാനത്ത് എലിപ്പനി ബാധിച്ച് മരിച്ചത് - 11, െഡങ്കിപ്പനി - മൂന്ന്, ഹെപ്പറ്റൈറ്റിസ് എ - നാല്, ഹെപ്പെറ്റെറ്റിസ് ബി - മൂന്ന് എന്നിങ്ങനെയാണ്.