കണ്ണൂർ: കണ്ണൂർ ചിന്മയ മിഷന് കീഴിലുള്ള കോളജിലെ അധ്യാപികയെ അപമാനിച്ചെന്ന പരാതിയിൽ കണ്ണൂർ ചിന്മയ മിഷൻ സെക്രട്ടറി കെ.കെ. രാജനെതിരെ ടൗൺ പൊലീസ് കേസെടുത്തു. വെള്ളിയാഴ്ചയാണ് കേസിനാസ്പദമായ സംഭവം. അധ്യാപികയുമായി തൊഴിൽ തർക്കം നിലനിൽക്കുന്നുണ്ട്. ഇതുമായി ബന്ധപ്പെട്ട് കേരള അൺ എയ്ഡഡ് ടീച്ചേഴ്സ് ആൻഡ് സ്റ്റാഫ് യൂനിയൻ ജില്ല കമ്മിറ്റിയുടെ കത്ത് കൊടുക്കാൻ ചിന്മയ ബാലഭവൻ ഓഫിസിൽ പോയി മടങ്ങുന്നതിനിടെ കേട്ടാലറക്കുന്ന ഭാഷയിൽ അസഭ്യം പറയുകയായിരുന്നുവെന്ന് അധ്യാപിക നൽകിയ പരാതിയിൽ പറയുന്നു. തുടർന്നാണ് ടൗൺ പൊലീസ് ജാമ്യമില്ല വകുപ്പ് പ്രകാരം കേസെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.