കൂത്തുപറമ്പ്: പൊലീസ് സ്റ്റേഷനുസമീപം നിർത്തിയിട്ട ബസിെൻറ ബാറ്ററിയും ഡീസലും മോഷ്ടിച്ചതായി പരാതി. മാനന്തേരി വണ്ണാത്തിമൂല റൂട്ടിൽ സർവിസ് നടത്തുന്ന പാർവതി ബസിൽനിന്നാണ് എട്ടായിരം രൂപ വിലവരുന്ന രണ്ട് ബാറ്ററിയും പതിനായിരം രൂപയോളം വരുന്ന ഡീസലും മോഷ്ടിച്ചത്. ടാക്സ് സംബന്ധമായ കാര്യത്തിൽ തലശ്ശേരി ജോ.ആർ.ടി.ഒ കസ്റ്റഡിയിലെടുത്ത ബസ് ഒരുമാസത്തോളമായി കൂത്തുപറമ്പ് സ്റ്റേഷൻ പരിസരത്ത് നിർത്തിയിട്ടതായിരുന്നു. ശനിയാഴ്ച തൊഴിലാളികൾ ബസ് എടുക്കാനെത്തിയപ്പോഴാണ് ബാറ്ററി മോഷണം ശ്രദ്ധയിൽപെട്ടത്. പകരം ബാറ്ററി കൊണ്ടുവന്ന് ബസ് സ്റ്റാർട്ടാക്കി അൽപദൂരം പിന്നിടുമ്പോഴേക്കും ബസ് നിന്നുപോവുകയായിരുന്നു. തുടർന്ന് പരിശോധിച്ചപ്പോഴാണ് ഡീസൽ ഊറ്റിയതായി കണ്ടത്. ജീവനക്കാർ കൂത്തുപറമ്പ് പൊലീസിൽ പരാതി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.