പിലാത്തറ: . കഴിഞ്ഞവർഷം ജില്ലയിൽ ഒന്നാംതരത്തിൽ ഏറ്റവും കൂടുതൽ കുട്ടികൾ പ്രവേശിച്ചത് ഇവിടെയായിരുന്നു. മണ്ഡലത്തിലെ 10 പഞ്ചായത്തുകളിലായി ഈ വർഷം 2109 കുട്ടികൾ ഒന്നാം ക്ലാസിൽ പ്രവേശനം നേടി. കല്യാശ്ശേരി - 454, പട്ടുവം - 145, കണ്ണപുരം - 70, ചെറുകുന്ന് - 135, മാടായി- 258, മാട്ടൂൽ - 210, ഏഴോം - 179, ചെറുതാഴം - 160, കുഞ്ഞിമംഗലം - 126, കടന്നപ്പള്ളി - പാണപ്പുഴ - 372 എന്നിങ്ങനെയാണ് ഒന്നാം ക്ലാസിൽ പ്രവേശനം നേടിയ കുട്ടികളുടെ പഞ്ചായത്തുതല എണ്ണം. രണ്ടുമുതൽ എട്ടുവരെയുള്ള ക്ലാസുകളിലായി 4000ത്തിലധികം കുട്ടികൾ അൺ എയ്ഡഡ് വിദ്യാലയങ്ങളിൽനിന്നെത്തി. ആറാം പ്രവൃത്തിദിവസം കഴിയുന്നോടെ കുട്ടികളുടെ എണ്ണം ഇതിലും കൂടും. ജില്ലയിൽ ഏറ്റവും കൂടുതൽ കുട്ടികൾ പ്രവേശനം നേടിയ പൊതുവിദ്യാലയമായ വിളയാങ്കോട് സെൻറ് മേരീസ് എൽ.പി സ്കൂൾ മണ്ഡലത്തിലാണ്. മണ്ഡലം സമഗ്ര വിദ്യാഭ്യാസ പരിപാടിയുടെ ഭാഗമായി എല്ലാവർഷവും ഗൃഹസന്ദർശന കാമ്പയിൻ നടത്താറുണ്ട്. അധ്യാപകർ, പൂർവവിദ്യാർഥികൾ, രക്ഷാകർതൃസമിതി, സന്നദ്ധ സംഘടനകൾ എന്നിവരുടെ നേതൃത്വത്തിലാണ് കാമ്പയിൻ. ഇതിെൻറ ഫലമായി മണ്ഡലത്തിലെ വിദ്യാലയങ്ങളിലെല്ലാം കുട്ടികൾ ഗണ്യമായി കൂടി. പൊതുവിദ്യാലയങ്ങളിൽ കുട്ടികളെ ചേർത്ത് മാതൃകയായ മുഴുവൻ രക്ഷിതാക്കളെയും ടി.വി. രാജേഷ് എം.എൽ.എ അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.