കണ്ണൂർ: അധ്യയന വർഷം തുടങ്ങിയപ്പോൾ കുഞ്ഞുകൂട്ടുകാർക്ക് സമ്മാനങ്ങളുമായി കണ്ണൂർ സർവകലാശാലയിലെ ജീവനക്കാർ. തായത്തെരു സ്കൂളിലെ കുട്ടികൾക്കാണ് ബാഗും പുസ്തകങ്ങളും ടിഫിൻ ബോക്സുകളും ചോക്ലേറ്റുകളും കണ്ണൂർ സർവകലാശാലയിലെ ജീവനക്കാർ സമ്മാനിച്ചത്. സർവകലാശാല താവക്കര ആസ്ഥാനത്ത് ജോലി ചെയ്യുന്ന ആർ.എസ്. ഗായത്രിദേവി, ജ്യോത്സന ജോസ്, എ. ആരാധന, സിമി കോവല്ലിൽ, പി.പി. സുകല, രാഹുൽ ബി. അശോക്, ടി. രേണു, താര ഷമീൽ കൃഷ്ണൻ, ഗിയാസുദ്ദീൻ അൻവർ, മാലിനി എന്നിവരാണ് പഠനോപകരണങ്ങൾ നൽകാൻ ഒരുമിച്ചത്. സ്കൂളിൽ നടന്ന പ്രവേശനോത്സവ ചടങ്ങിൽ പ്രധാനാധ്യാപിക ടി.വി. ശൈലജ കിറ്റ് ഏറ്റുവാങ്ങി. കോർപറേഷൻ സ്ഥിരം സമിതി അധ്യക്ഷ സി. സീനത്ത് പ്രവേശനോത്സവം ഉദ്ഘാടനം ചെയ്തു. അധ്യാപകരായ സതീശൻ ചക്കരയേൻ, പി. സന്തോഷ് എന്നിവർ സംസാരിച്ചു. കാഞ്ഞിരോട്: കാഞ്ഞിരോട് എ.യു.പി സ്കൂൾ പ്രവേശനോത്സവം ജില്ല പഞ്ചായത്ത് സ്ഥിരം സമിതി അധ്യക്ഷൻ വി.കെ. സുരേഷ് ബാബു ഉദ്ഘാടനം ചെയ്തു. സ്കൂൾ മാനേജർ അബ്ദുറഹിമാൻ കല്ലായി അധ്യക്ഷത വഹിച്ചു. എസ്.എസ്.എൽ.സിക്ക് മുഴുവൻ വിഷയങ്ങളിലും എ പ്ലസ് നേടിയ പൂർവ വിദ്യാർഥികൾക്കുള്ള സമ്മാനങ്ങൾ മുണ്ടേരി ഗ്രാമപഞ്ചായത്ത് പ്രസിഡൻറ് എ. പങ്കജാക്ഷൻ വിതരണം ചെയ്തു. എൽ.കെ.ജി വിദ്യാർഥികൾക്കുള്ള കിറ്റ് വിതരണം സി.എച്ച്.എം ട്രസ്റ്റ് സെക്രട്ടറി എം.പി. മുഹമ്മദാലി നിർവഹിച്ചു. ജില്ല പഞ്ചായത്തംഗം കെ. മഹിജ, ബ്ലോക്ക് പഞ്ചായത്തംഗം പി.സി. അഹമ്മദ്കുട്ടി, വാർഡംഗം പി.പി. മുനീറ, പി.ടി.എ പ്രസിഡൻറ് എ. ഖാദർ മാസ്റ്റർ, പി.സി. റഫീഖ്, എം. അബൂബക്കർ മാസ്റ്റർ, കെ. പ്രീത ടീച്ചർ, എം.പി. ഷർബീന എന്നിവർ സംസാരിച്ചു. പ്രധാനാധ്യാപിക സി.പി. പ്രീത സ്വാഗതവും സ്റ്റാഫ് സെക്രട്ടറി സി.എ. രാധാകൃഷ്ണൻ നന്ദിയും പറഞ്ഞു. പുറത്തീൽ: പുറത്തീൽ ന്യൂ മാപ്പിള യു.പി സ്കൂൾ പ്രവേശനോത്സവം കോർപറേഷൻ കൗൺസിലർ കെ. റോജ ഉദ്ഘാടനം ചെയ്തു. മാനേജർ ടി.കെ. അഹമ്മദ് ഹാജി, പി.ടി.എ പ്രസിഡൻറ് അഷ്റഫ്, ഹെഡ്മാസ്റ്റർ മുഹമ്മദ് ശരീഫ്, ഷക്കീർ മൗവ്വഞ്ചേരി, അബ്ദുല്ല മാസ്റ്റർ, കെ.പി. മൂസ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.