കണ്ണൂർ: ചാലാട് മണലിൽ കാറിൽ ബൈക്കിടിച്ച് ബൈക്ക് യാത്രികൻ മരിച്ചു. കൊറ്റാളി സൗപർണികയിൽ ഷനോജ് മോഹനാണ് (30) മരിച്ചത്. ബൈക്കിൽ ഒപ്പമുണ്ടായിരുന്ന സുഹൃത്ത് സുബിനേഷിനെ ഗുരുതര പരിക്കുകളോടെ കണ്ണൂർ എ.കെ.ജി ആശുപത്രിയിൽ പ്രവേശിപ്പിച്ചു. വെള്ളിയാഴ്ച രാത്രി 10.30ഒാടെയാണ് അപകടം. അലവിൽ ഭാഗത്തുനിന്ന് മണൽ ഭാഗത്തേക്ക് പോകുകയായിരുന്നു കാർ. പോക്കറ്റ് റോഡിലേക്ക് തിരിക്കുന്നതിനിടെ എതിരെവന്ന ബൈക്ക് കാറിെൻറ വശത്ത് ഇടിച്ച് തെറിക്കുകയായിരുന്നു. നാട്ടുകാർ ഇരുവരെയും ഉടൻ ആശുപത്രിയിലെത്തിച്ചുവെങ്കിലും ഷനോജിനെ രക്ഷിക്കാൻ സാധിച്ചില്ല. മോഹനൻ - ചന്ദ്രമതി ദമ്പതികളുടെ മകനാണ്. സഹോദരൻ: മനീഷ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.