കാസർകോട്: ലോക പുകയിലവിരുദ്ധ ദിനമായ ഇന്നലെ നഗരത്തിൽ നടന്ന വ്യാപക റെയ്ഡിൽ 50,000 രൂപക്ക് മുകളിൽ വിലയുള്ള പാൻമസാലകൾ പിടിച്ചെടുത്തു. കാസർകോട് ടൗൺ സി.ഐ അബ്ദുറഹീമിെൻറ നേതൃത്വത്തിലാണ് നഗരത്തിെൻറ പലയിടങ്ങളിലും റെയ്ഡ് നടന്നത്. സംഭവത്തിൽ നാലുപേരെ പൊലീസ് അറസ്റ്റ്ചെയ്ത് ജാമ്യത്തിൽ വിട്ടു. കസബ സ്വദേശി ഗോപാലകൃഷ്ണൻ (47), കുഡ്ലു സ്വദേശി സുരേഷ് (40), ഏരിയാൽ സ്വദേശി മുഹമ്മദ്കുഞ്ഞി (59), സൂനാമി കോളനിയിലെ രാമാനന്ദ ചൗധരി (27) എന്നിവരാണ് അറസ്റ്റിലായത്. സി.ഐയുടെ സംഘത്തിൽ എസ്.ഐ അജിത്ത്കുമാർ, എ.എസ്.ഐ കെ.വി. സതീശൻ, അജിത്ത്, രതീഷ്, കെ. രൂപേഷ് എന്നിവരുമുണ്ടായിരുന്നു. ജില്ല പൊലീസ് മേധാവി കെ. ശ്രീനിവാസെൻറ നിർദേശ പ്രകാരമായിരുന്നു റെയ്ഡ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.