പാനൂർ: എൻ.എ.എം കോളജ് പ്രിൻസിപ്പൽ ഡോ. കെ.കെ. മുസ്തഫ (പുത്തൂർ മുസ്തഫ) 33 വർഷത്തെ അധ്യാപക ജീവിതത്തിന് വിരാമമിട്ട് പടിയിറങ്ങി. 1984ൽ തിരൂരങ്ങാടി പി.എസ്.എം.ഒ കോളജ് ചരിത്രവിഭാഗത്തിലാണ് ജോലി ആരംഭിച്ചത്. 1995ൽ കല്ലിക്കണ്ടി എൻ.എ.എം കോളജ് ആരംഭിച്ചപ്പോൾ ചരിത്രവിഭാഗം തലവനായാണ് ഇവിടെ എത്തിയത്. 2005ലാണ് കോളജിെൻറ പ്രിൻസിപ്പലായി ചുമതലയേറ്റത്. കാലിക്കറ്റ് സർവകലാശാലയിൽനിന്ന് പിഎച്ച്.ഡി എടുത്ത അദ്ദേഹം കണ്ണൂർ സർവകലാശാലയിൽ 14 വർഷം അക്കാദമിക് കൗൺസിൽ അംഗമായും 10 വർഷം സിൻഡിക്കേറ്റ് അംഗമായും പ്രവർത്തിച്ചു. സംസ്ഥാന ഹയർ എജുക്കേഷൻ ഗവേണിങ് ബോഡി മെംബറായും ജില്ല സാക്ഷരത സമിതി കോഒാഡിനേറ്ററായും പ്രവർത്തിച്ചു. ഇന്ത്യൻ ഹിസ്റ്ററി കോൺഗ്രസ്, സൗത്ത് ഇന്ത്യൻ കോൺഗ്രസ്, ഇന്ത്യൻ കോളജ് ഫോറം എന്നിവയിൽ ആജീവാനന്ത അംഗമാണ്. പ്രിൻസിപ്പൽ കൗൺസിൽ സംസ്ഥാന വൈസ് പ്രസിഡൻറുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.