ശ്രീകണ്ഠപുരം: ചെങ്ങളായി പഞ്ചായത്തിലെ എൽ.പി സ്കൂളുകളിൽ എത്തുന്ന ഒന്നാം ക്ലാസുകാരെ സ്വീകരിക്കാൻ പഞ്ചായത്തുവക പഠനോപകരണങ്ങൾ. എല്ലാ ഒന്നാം ക്ലാസുകാർക്കും ബാഗ്, സ്റ്റീൽ വാട്ടർ ബോട്ടിൽ, സ്ലേറ്റ് എന്നിവ ഉൾപ്പെടെയുള്ള കിറ്റാണ് പഞ്ചായത്ത് സൗജന്യമായി നൽകുന്നത്. പ്രവേശനോത്സവ ദിവസം ഇവ കുട്ടികൾക്ക് വിതരണം ചെയ്യും. പഞ്ചായത്ത് ഹാളിൽ നടന്ന ചടങ്ങിൽ പ്രധാനാധ്യാപകർക്ക് കിറ്റ് കൈമാറി. പഞ്ചായത്ത് പ്രസിഡൻറ് കെ.കെ. രത്നകുമാരി വിതരണോദ്ഘാടനം നിർവഹിച്ചു. വി. ധനിഷ അധ്യക്ഷത വഹിച്ചു. പി. ദിനേശൻ, ടി.വി.ഒ. സുനിൽകുമാർ, എം.വി. മുരളീധരൻ, ശശികുമാർ പട്ടാന്നൂർ എന്നിവർ സംസാരിച്ചു. പഞ്ചായത്തിലെ 750 കുട്ടികൾക്കാണ് കിറ്റ് നൽകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.