പയ്യന്നൂർ: മഴ കനത്തതോടെ പയ്യന്നൂരിലെ താഴ്ന്നപ്രദേശങ്ങളെല്ലാം വെള്ളത്തിനടിയിലായി. റോഡുകളും വെള്ളത്തിൽ മുങ്ങിയത് യാത്ര ദുരിതത്തിലാക്കി. പയ്യന്നൂർ-അന്നൂർ റോഡിൽ പയ്യന്നൂർ ഗവ. താലൂക്ക് ആശുപത്രി മുതൽ ശ്രീനാരായണ വിദ്യാലയംവരെയും മൂരിക്കൊവ്വൽ സത്യൻ ആർട്സിന് സമീപവും അന്നൂർ കണ്ടക്കോരൻ മുക്കിലും റോഡ് വെള്ളത്തിനടിയിലായി. വ്യാഴാഴ്ച മുതൽ തുടരുന്ന കനത്ത മഴയാണ് പ്രദേശത്ത് കടുത്ത യാത്രാദുരിതവും മറ്റ് നാശവും ഉണ്ടാക്കിയത്. എല്ലാ വർഷവും മഴക്കാലത്ത് റോഡിെൻറ അവസ്ഥ ഇതുതന്നെയാണ്. വെള്ളം ഒഴുകിപ്പോകാൻ ചിലയിടങ്ങളിൽ ഓവുചാൽ നിർമിച്ചിരുന്നുവെങ്കിലും അവയെല്ലാം ഉപയോഗശൂന്യമായി. ഒഴുകിപ്പോകാൻ മറ്റ് വഴി കളില്ലാത്തതുമൂലം വെള്ളം മുഴുവനും റോഡിലാണ്. ഇതുമൂലം അന്നൂർ റോഡിൽ നാട്ടുകാർ കടുത്ത യാത്രാദുരിതത്തിലാണ്. ഇവിടെ യാത്രക്കായി ലൈൻ സർവിസ് നടത്തുന്ന ഓട്ടോ മാത്രമാണുള്ളത്. എന്നാൽ, റോഡ് വെള്ളത്തിൽ മുങ്ങിയതോടെ ഓട്ടോ സർവിസ് നടത്താൻ വിസമ്മതിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.