കണ്ണൂർ: 'പഠിക്കാം പ്ലാവിലൂടെ ജീവിതവും' എന്ന സന്ദേശമുയർത്തി എൻ.എസ്.എസ് നടത്തുന്ന സംസ്ഥാനതല പദ്ധതിയുടെ കണ്ണൂർ സർവകലാശാലതല പരിപാടി ടി.വി. രാജേഷ് എം.എൽ.എ ഉദ്ഘാടനം ചെയ്തു. മുഴുവൻ കോളജിലും നാട്ടുപ്ലാവിൻതൈകൾ നട്ടുസംരക്ഷിക്കുന്നതാണ് പദ്ധതി. ചിന്മയ ആർട്സ് ആൻഡ് സയൻസ് കോളജ് പ്രിൻസിപ്പൽ അനിത ഹരിദാസ് അധ്യക്ഷത വഹിച്ചു. സർവകലാശാല എൻ.എസ്.എസ് പ്രോഗ്രാം കോഓഡിനേറ്റർ പത്മനാഭൻ കാവുമ്പായി, സർവകലാശാല യൂനിയൻ ചെയർപേഴ്സൻ സി.പി. ഷിജു, പ്രോഗ്രാം ഓഫിസർമാരായ കെ. പ്രീക്ഷി, പി. പ്രസാദ്, കെ. രാജി, കോളജ് യൂനിയൻ ചെയർപേഴ്സൻ എസ്. ദേവാമൃത എന്നിവർ സംസാരിച്ചു. തുടർന്ന് മുളപ്പിച്ച പ്ലാവിൻതൈകൾ വിദ്യാർഥികൾ കാമ്പസിൽ നട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.