കണ്ണൂർ: ദേശീയ ആരോഗ്യ ദൗത്യം (എൻ.എച്ച്.എം) പദ്ധതിയുടെ ജീവിത ശൈലീ രോഗ നിയന്ത്രണ പരിപാടിയുടെ ഭാഗമായി 'വരൂ കളിക്കാം, ജീവിതശൈലീരോഗങ്ങളെ അകറ്റി നിർത്താം' എന്ന സന്ദേശവുമായി എൻ.എച്ച്.എം ജീവനക്കാർക്ക് നടത്തിയ സംസ്ഥാനതല ഫുട്ബാൾ ടൂർണമെൻറിൽ മലപ്പുറം ജില്ല ജേതാക്കളായി. ഫൈനലിൽ കാസർകോടിനെ ഒന്നിനെതിരെ രണ്ട് ഗോളുകൾക്കാണ് മലപ്പുറം പരാജയപ്പെടുത്തിയത്. കോഴിക്കോടിെൻറ ആഷിക് ആണ് ടോപ് സ്കോറർ. കാസർകോടിെൻറ ഉദൈഫ് മികച്ച ഗോൾ കീപ്പറായി തിരഞ്ഞെടുക്കപ്പെട്ടു. കണ്ണൂരിനാണ് ഫെയർ പ്ലേ അവാർഡ്. ജവഹർ സ്റ്റേഡിയത്തിൽ നടന്ന ടൂർണമെൻറിൽ 14 ജില്ലകളുടെയും ടീമുകൾ മാറ്റുരച്ചു. ജേതാക്കൾക്ക് ജില്ല പഞ്ചായത്ത് ആരോഗ്യ-വിദ്യാഭ്യാസ സ്ഥിരം സമിതി ചെയർമാൻ കെ.പി. ജയബാലൻ ട്രോഫി സമ്മാനിച്ചു. ഡോ. സുകുമാരൻ, ഡോ. നിത, മുൻ ഇന്ത്യൻ താരം കെ.വി. ധനേഷ് എന്നിവർ മറ്റു സമ്മാനങ്ങൾ വിതരണം ചെയ്തു. എൻ.എച്ച്.എം ഡി.പി.എം ഡോ. കെ.വി. ലതീഷ്, എൻ.എച്ച്.എം എംപ്ലോയീസ് യൂനിയൻ ജില്ല സെക്രട്ടറി നിതിൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.