കണ്ണൂർ: യൂത്ത് കോൺഗ്രസ് കണ്ണൂർ ലോക്സഭ കമ്മിറ്റി ജനറൽ ബോഡി ഡി.സി.സി പ്രസിഡൻറ് സതീശൻ പാച്ചേനി ഉദ്ഘാടനം ചെയ്തു. യൂത്ത് കോൺഗ്രസ് കമ്മിറ്റി സ്വരൂപിച്ച ഷുഹൈബ് രക്തസാക്ഷി ഫണ്ട് വിതരണവും എസ്.എസ്.എൽ.സി, പ്ലസ് ടു പരീക്ഷയിൽ എ പ്ലസ് ലഭിച്ചവർക്കുള്ള അനുമോദനവും ജൂലൈ 14ന് നടക്കും. യൂത്ത് കോൺഗ്രസ് സംസ്ഥാന കമ്മിറ്റി ഓഫിസ് നിർമിക്കുന്നതിെൻറ ധനശേഖരണാർഥം ജൂലൈ 18, 19, 20 തീയതികളിൽ മണ്ഡലം കമ്മിറ്റിയുടെ ഫണ്ട് സ്വരൂപിക്കാനും യോഗം തീരുമാനിച്ചു. സ്വാതന്ത്ര്യദിനത്തിൽ ബ്ലോക്ക് യൂത്ത് കോൺഗ്രസ് കമ്മിറ്റികളുടെ നേതൃത്വത്തിൽ സ്വാതന്ത്ര്യദിന പദയാത്ര നടത്തും. യോഗത്തിൽ ലോക്സഭ കമ്മിറ്റി പ്രസിഡൻറ് റിജിൽ മാക്കുറ്റി അധ്യക്ഷത വഹിച്ചു. ഡി.സി.സി വൈസ് പ്രസിഡൻറ് മുഹമ്മദ് ബ്ലാത്തൂർ, സംസ്ഥാന സെക്രട്ടറി നൗഷാദ് ബാത്തൂർ, കെ.എസ്.യു ജില്ല പ്രസിഡൻറ് മുഹമ്മദ് ഷമ്മാസ്, ഭാരവാഹികളായ ഒ.കെ. പ്രസാദ്, കെ. ബിനോജ്, അമൃത രാമകൃഷ്ണൻ, ജസ്റ്റിസൺ ചാണ്ടിക്കൊല്ലി, ബ്ലോക്ക് പ്രസിഡൻറുമാരായ വിനീഷ് ചുള്ള്യാൻ, എം. അജേഷ്, ശറഫുദ്ദീൻ കാട്ടാമ്പള്ളി, ഷമേജ് പെരളശ്ശേരി, ബ്ലോക്ക് വൈസ് പ്രസിഡൻറ് ശരത് ചന്ദ്രൻ, കെ.എസ്.യു ജില്ല വൈസ് പ്രസിഡൻറ് ഫർസിൻ മജീദ് എന്നിവർ സംസാരിച്ചു. മുതിർന്ന കോൺഗ്രസ് നേതാവ് എം.എം. ജേക്കബിെൻറ നിര്യാണത്തിൽ യോഗം അനുശോചിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.