കല്യാശ്ശേരി: കല്യാശ്ശേരി സൗത്ത് യു.പി സ്കൂളിൽ മൃഗ സംരക്ഷണ ക്ലബും കോഴി വളർത്തൽ പദ്ധതിയും മന്ത്രി കെ. രാജു ഉദ്ഘാടനം ചെയ്തു. ജില്ല മൃഗ സംരക്ഷണ വകുപ്പിെൻറ സഹായത്തോടെ സ്കൂളിലെ 60 കുട്ടികൾക്ക് കോഴിക്കുഞ്ഞുങ്ങളെ വിതരണം ചെയ്യും. ദുരന്തനിവാരണ ഫണ്ടിൽനിന്ന് കർഷകർക്കുള്ള സഹായധനവും മന്ത്രി വിതരണം ചെയ്തു. ഒരാൾക്ക് 16,400 രൂപ പ്രകാരം ജില്ലയിൽ 64 കർഷകര്ക്ക് 9.17 ലക്ഷം രൂപയാണ് അനുവദിച്ചത്. ടി.വി.രാജേഷ് എം.എൽ.എ അധ്യക്ഷത വഹിച്ചു. ജില്ല മൃഗസംരക്ഷണ ഓഫിസർ ഡോ. എ. അയൂബ്, കല്യാശ്ശേരി ഗ്രാമപഞ്ചായത്ത് മെംബർമാരായ സി. നിഷ, എം.വി. രാജൻ, കെ.ഭാർഗവൻ, പാപ്പിനിശ്ശേരി എ.ഇ.ഒ ഹെലൻ ഹൈസന്ത് മെൻഡോസ്, ഡോ. ബിന്ദു പ്രശാന്ത്, പി.ടി.എ പ്രസിഡൻറ് പി. മനോഹരൻ എന്നിവർ സംസാരിച്ചു. അസി. ഡയറക്ടർ ഡോ. മഹമൂദ്, കോഴി വളർത്തലിനെ കുറിച്ച് ക്ലാസെടുത്തു. കല്യാശ്ശേരി ഗ്രാമപഞ്ചായത്ത് പ്രസിഡൻറ് ഇ.പി.ഓമന സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.