പയ്യന്നൂർ: കുടിശ്ശികയായ ഉൽപാദനബോണസും വേതനവും വിതരണം ചെയ്യുക, തൊഴിലില്ലായ്മ പരിഹരിക്കുക, മിനിമം വേതനം പുതുക്കിനിശ്ചയിക്കുക തുടങ്ങിയ ആവശ്യങ്ങൾ ഉന്നയിച്ച് നാഷനൽ ഖാദി ലേബർ യൂനിയെൻറ (ഐ.എൻ.ടി.യു.സി) നേതൃത്വത്തിൽ കണ്ണൂർ, കാസർകോട് ജില്ലയിലെ തൊഴിലാളികൾ പയ്യന്നൂർ ഖാദി കേന്ദ്രത്തിലേക്ക് മാർച്ചും ധർണയും നടത്തി. പയ്യന്നൂർ പഴയ ബസ്സ്റ്റാൻഡിൽനിന്ന് ആരംഭിച്ച മാർച്ചിനുശേഷം ഖാദി കേന്ദ്രത്തിൽ നടന്ന ധർണ കെ.പി.സി.സി ജനറൽ സെക്രട്ടറി കെ.പി. കുഞ്ഞിക്കണ്ണൻ ഉദ്ഘാടനം ചെയ്തു. വി.എൻ. എരിപുരം അധ്യക്ഷത വഹിച്ചു. എൻ. ഗംഗാധരൻ, ടി.വി. കുഞ്ഞിരാമൻ, ചന്തുക്കുട്ടി കരിച്ചേരി, ഉമേശൻ ബേളൂർ, പി.വി. സുകുമാരൻ, കെ.എം. ശ്രീധരൻ, അപ്യാൽ രാമചന്ദ്രൻ, എം.എസ്. സൂര്യ, ടി. രാജി, കെ.വി. ബിന്ദു എന്നിവർ സംസാരിച്ചു. എം.വി. യേശാദ, വി.വി. കൈരളി, കെ.വി.എൻ. കുഞ്ഞമ്പു, കെ.വി. പത്മനാഭൻ, ധന്യ കരിച്ചേരി തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.