ഇരിട്ടി: വിളക്കോട് ഗവ. യു.പി സ്കൂൾ വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ വൈക്കം മുഹമ്മദ് ബഷീറിനെ അനുസ്മരിച്ചു. അദ്ദേഹത്തിെൻറ കഥാപാത്രങ്ങളായ പാത്തുമ്മയും ആടും ഖദീജയും ആനുമ്മയും അബിയും കഥാകാരനോടൊപ്പം കടന്നുവന്ന ദൃശ്യാവിഷ്കാരം കുട്ടികൾ അവതരിപ്പിച്ചു. വായനക്കുറിപ്പ്, അനുസ്മരണ പ്രഭാഷണം എന്നിവ നടന്നു. വിദ്യാരംഗം കൺവീനർ സബിത ടീച്ചറുടെ അധ്യക്ഷതയിൽ മുൻ ഹെഡ്മാസ്റ്റർ പി.വി. മധുസൂദനൻ മാസ്റ്റർ പരിപാടി ഉദ്ഘാടനം ചെയ്തു. ഒ. ജുറൈജ്, ദീപ് ലക്ഷ്മി, എം.കെ. ശഹന, അഷിത, ഫസൽ, മാളവിക, അൻഷാദ് എന്നിവർ ബഷീർ കഥാപാത്രങ്ങളെ പുനരാവിഷ്കരിച്ചു. വി.വി. വിനോദ് മാസ്റ്റർ, ദയാമുകുന്ദ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.