ശ്രീകണ്ഠപുരം: പയ്യാവൂർ പഞ്ചായത്ത് ബസ്സ്റ്റാൻഡ് പരിസരത്ത് പുതുതായി നിർമിക്കുന്ന റോഡിനു പിന്നിൽ വൻ അഴിമതിയുണ്ടെന്ന് ബി.ജെ.പി പയ്യാവൂർ പഞ്ചായത്ത് കമ്മിറ്റി ഭാരവാഹികൾ വാർത്താസമ്മേളനത്തിൽ ആേരാപിച്ചു. പഞ്ചായത്ത് ഭരണസമിതിയുടെ തലപ്പത്തിരിക്കുന്ന രണ്ട് കോൺഗ്രസ് അംഗങ്ങളും ഒരു സി.പി.എം ഭരണസമിതി അംഗവുമാണ് ഇതിനുപിന്നിൽ. സ്വകാര്യവ്യക്തിയുടെ താൽപര്യം സംരക്ഷിക്കാനാണ് ഇവർ ഒരുമിച്ചുനിൽക്കുന്നത്. ഏപ്രിൽ 18ന് റോഡ് വിഷയം ഭരണസമിതിയുടെ മുന്നിൽ വന്നപ്പോൾ സി.പി.എമ്മിലെ ഒരംഗം മാത്രമാണ് വിയോജിപ്പ് രേഖപ്പെടുത്തിയത്. വിജിലൻസിന് പരാതി നൽകിയിട്ടുണ്ടെന്ന് ബി.ജെ.പി നേതാക്കൾ പറഞ്ഞു. വാർത്താസമ്മേളനത്തിൽ ബി.ജെ.പി ജില്ല കമ്മിറ്റി അംഗം വി.എൻ. രവി, നിയോജകമണ്ഡലം ജനറൽ സെക്രട്ടറി ടി.വി. രമേശൻ, പി.കെ. സുധാകരൻ, പി.കെ. കരുണാകരൻ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.