പാനൂർ: കൃത്രിമ ജലപാത പദ്ധതിക്കെതിരെ സംഘ്പരിവാർ മുഖ്യമന്ത്രി പിണറായി വിജയെൻറ വേദിയിലേക്ക് മാർച്ച് നടത്തി. താഴെ ചമ്പാട് പുതുതായി നിർമിച്ച പാനൂർ ബ്ലോക്ക് പഞ്ചായത്ത് ഓഫിസ് കെട്ടിടം ഉദ്ഘാടനത്തിനെത്തിയ മുഖ്യമന്ത്രിയുടെ പരിപാടിയിലേക്കാണ് മാർച്ച് നടന്നത്. പാനൂരിൽനിന്നാരംഭിച്ച മാർച്ച് അരയാക്കൂലിൽ പൊലീസ് തടഞ്ഞു. തലശ്ശേരി എ.എസ്.പി ചൈത്ര തെരേസ ജോൺ, പാനൂർ സി.ഐ വി.വി. ബെന്നി എന്നിവരുടെ നേതൃത്വത്തിലുള്ള പൊലീസ് സംഘവുമായി പ്രവർത്തകർ ഉന്തുംതള്ളുമുണ്ടായി. ആർ.എസ്.എസ് പാനൂർ ഖഢ് സംഘചാലക് എൻ.കെ. നാണു ഉദ്ഘാടനം ചെയ്തു. ബി.ജെ.പി മണ്ഡലം ജനറൽ സെക്രട്ടറി രാജേഷ് കൊച്ചിയങ്ങാടി അധ്യക്ഷത വഹിച്ചു. സി.കെ. കുഞ്ഞിക്കണ്ണൻ, എൻ. രതി, വി.പി. ജിതേഷ്, എം. രത്നാകരൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.