എന്ഡോസള്ഫാന് ദുരിതബാധിതരോട് കാണിക്കുന്നത് നീതികേട് -കുമ്മനം കാസര്കോട്: എന്ഡോസള്ഫാന് ദുരിതബാധിതരോട് സംസ്ഥാന സര്ക്കാർ നീതികേട് കാണിക്കുന്നുവെന്ന് ബി.ജെ.പി സംസ്ഥാന പ്രസിഡൻറ് കുമ്മനം രാജശേഖരൻ. ബി.ജെ.പി ജില്ല കമ്മിറ്റിയോഗം ഉദ്ഘാടനംചെയ്യുകയായിരുന്നു അദ്ദേഹം. ദുരിതബാധിതര്ക്ക് നല്കാന് സുപ്രീംകോടതി പറഞ്ഞ നഷ്ടപരിഹാരംപോലും ഇതുവരെ കൊടുക്കാന് തയാറായിട്ടില്ല. പട്ടിക തയാറാക്കുന്ന കാര്യത്തില്പോലും രാഷ്ട്രീയം കാണാനും മുതലെടുപ്പ് നടത്താനുമാണ് മാര്ക്സിസ്റ്റ് പാര്ട്ടി ശ്രമിക്കുന്നത്. ദുരിതബാധിതര്ക്കുവേണ്ടിയെന്ന് പറഞ്ഞ് സമരങ്ങള് നടത്തിയ ഡി.വൈ.എഫ്.ഐ, സി.പി.എം അധികാരത്തിലെത്തിയത് മുതല് മൗനത്തിലാണ്. അവരുടെ ദുരിതബാധിതരോടുള്ള മനുഷ്യത്വരഹിതമായ പെരുമാറ്റമാണ് ഇത് കാണിക്കുന്നതെന്നും അദ്ദേഹം പറഞ്ഞു. ജില്ല പ്രസിഡൻറ് അഡ്വ. കെ. ശ്രീകാന്ത് അധ്യക്ഷതവഹിച്ചു. സംസ്ഥാന ജന. സെക്രട്ടറി എ.എൻ. രാധാകൃഷ്ണന്, വൈസ് പ്രസിഡൻറ് പ്രമീള സി. നായ്ക്, സംസ്ഥാന സംഘടന സെക്രട്ടറി എം. ഗണേശൻ, സെക്രട്ടറി വി.കെ. സജീവൻ, ഒ.ബി.സി മോര്ച്ച സംസ്ഥാന പ്രസിഡൻറ് പുഞ്ചക്കര സുരേന്ദ്രൻ, വയനാട് ജില്ല പ്രസിഡൻറ് സജിശങ്കര് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.