പെരിങ്ങത്തൂർ: നിരവധി കവർച്ചക്കേസിൽ പ്രതികളായ മൂന്നുപേരെ ചൊക്ലി പൊലീസ് പിടികൂടി. കല്ലിക്കണ്ടി ചെറ്റക്കണ്ടിയിൽ പിലാവുള്ളതിൽ അഷ്റഫ് (38), കോഴിക്കോട് കൂട്ടാലിട പാലേളി ലക്ഷംവീട്ടിൽ മർജാസ് (28), ബാലുശ്ശേരിയിൽ ആലുള്ളതിൽ രൂപേഷ് (33) എന്നിവരെയാണ് ചൊക്ലി സബ് ഇൻസ്പെക്ടർ ഇ.വി. ഫായിസ് അലിയുടെ നേതൃത്വത്തിൽ അറസ്റ്റ് ചെയ്തത്. വ്യാഴാഴ്ച രാത്രി 11.30ഒാടെ മേക്കുന്നിൽ വാഹനപരിശോധന നടത്തുന്നതിനിടെയാണ് കവർച്ചസംഘം വലയിലാകുന്നത്. ഇവർ സഞ്ചരിച്ചിരുന്ന വാഹനത്തിൽനിന്ന് കവർച്ചക്കുപയോഗിക്കുന്ന ആയുധസാമഗ്രികളും പൊലീസ് കണ്ടെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.