കോൺഗ്രസുമായി സഖ്യമില്ല -കോടിയേരി കാസർകോട്: കോൺഗ്രസുമായി സഖ്യമില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. സി.പി.എം കാസർകോട് ജില്ല സമ്മേളനം ഉദ്ഘാടനംചെയ്യുകയായിരുന്നു അദ്ദേഹം. കേരളത്തിൽ 18 സീറ്റ് എൽ.ഡി.എഫിന് ലഭിച്ചപ്പോൾ ബി.ജെ.പിയെ ഒറ്റപ്പെടുത്താൻ കേന്ദ്രത്തിൽ യു.പി.എക്ക് പിന്തുണ നൽകിയിരുന്നു. എന്നാൽ, ഉദാരവത്കരണനയം നടപ്പാക്കി ബി.ജെ.പിയെ അധികാരത്തിലെത്തിക്കുകയായിരുന്നു കോൺഗ്രസ്. കേരളം നേരിടുന്ന സാമ്പത്തികപ്രതിസന്ധിക്ക് കാരണം ബി.ജെ.പി സർക്കാറാണ്. എന്നാൽ, കോൺഗ്രസ് ബി.ജെ.പിക്കെതിരെ സമരംചെയ്യാതെ എൽ.ഡി.എഫ് സർക്കാറിനെ അസ്ഥിരപ്പെടുത്താനാണ് ശ്രമിക്കുന്നത്. യു.ഡി.എഫ് തകർന്നുകൊണ്ടിരിക്കുകയാണ്. എൽ.ഡി.എഫിെൻറ അടിത്തറ വിപുലപ്പെടുത്തണം. അതിന് സി.പി.എമ്മിെൻറ അടിത്തറ വിപുലപ്പെടുത്തുകയാണ് വേണ്ടതെന്ന് കോടിയേരി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.