കണ്ണൂർ: ഏഴാമത് കൊളച്ചേരി പ്രീമിയര് ലീഗ് ഫുട്ബാള് ടൂർണമെൻറ് 10 മുതല് പഞ്ചായത്ത് തവളപ്പാറ സ്റ്റേഡിയത്തില് ആരംഭിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. ഉദ്ഘാടന മത്സരത്തിൽ ജിംഖാന പള്ളിപ്പറമ്പും ടോംബ് എഫ്.സി നിടുവാട്ടും ഏറ്റുമുട്ടും. 12 ടീമുകളാണ് പങ്കെടുക്കുന്നത്. കൊളച്ചേരി, മയ്യില്, നാറാത്ത് പഞ്ചായത്തുകളിലെ ഫുട്ബാള് കളിക്കാരെ നറുക്കിെട്ടടുത്ത് ലേലം വിളിച്ച് പ്രദേശത്തെ പ്രമുഖ ക്ലബുകളുടെ പേരിൽ അണിനിരത്തുകയാണ് ചെയ്യുന്നത്. ഒരു ടീമിൽ പഞ്ചായത്തിന് പുറത്തുനിന്നുള്ള രണ്ടു കളിക്കാരിൽ കൂടുതൽ അനുവദിക്കില്ല. ടൂർണമെൻറിെൻറ ഉദ്ഘാടനം വൈകീട്ട് അഞ്ചിന് ഇന്ത്യന് ഫുട്ബാള് താരം എൻ.വി. പ്രദീപ് നിർവഹിക്കും. 1,60,000 രൂപയാണ് പ്രൈസ് മണി. വാര്ത്തസമ്മേളനത്തില് പി.കെ. രവീന്ദ്രനാഥൻ, പി.വി. വത്സന് മാസ്റ്റർ, ഗോള്ഡ് സ്റ്റാർ അഹമ്മദ്, പി. മുഹമ്മദ്കുഞ്ഞി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.