കണ്ണൂര്: ട്രെയിനിൽ യുവതിയെ മാനഭംഗപ്പെടുത്താൻ ശ്രമിച്ച കേസിൽ പ്രതിക്ക് തടവും പിഴയും. മദ്യപിച്ച് വനിത കമ്പാര്ട്ട്മെൻറില് കയറി യുവതിെയ അപമാനിക്കാന് ശ്രമിച്ച കേസില് തമിഴ്നാട് വില്ലുപുരം വടക്കുതെരു മുനിയപ്പന് കോവിലിലെ കൃഷ്ണമൂര്ത്തി സ്വാമിയെയാണ് (50) കണ്ണൂർ ജുഡീഷ്യൽ ഫസ്റ്റ് ക്ലാസ് (രണ്ട്) മജിസ്ട്രേറ്റ് കോടതി വിവിധ വകുപ്പുകളിലായി രണ്ടു വർഷം തടവിനും 2,000 രൂപ പിഴയടക്കാനും ശിക്ഷിച്ചത്. 2016 ഒക്ടോബര് 16നാണ് കേസിനാസ്പദമായ സംഭവം. കോയമ്പത്തൂരില്നിന്ന് പയ്യന്നൂരിലേക്ക് എഗ്്മോര് എക്സ്പ്രസില് യാത്രചെയ്യുകയായിരുന്ന യുവതിയെ െട്രയിൻ തലശ്ശേരി വിട്ടപ്പോള് പ്രതി വനിത കമ്പാര്ട്ട്മെൻറില് കയറി ഉപദ്രവിക്കാന് ശ്രമിച്ചുവെന്നാണ് കേസ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.