തലശ്ശേരി: കണ്ണൂർ ജില്ല ബി ഡിവിഷൻ ലീഗ് ക്രിക്കറ്റിൽ കൂത്തുപറമ്പ് രഞ്ജി ക്രിക്കറ്റ് ക്ലബ് 118 റൺസിന് തിരുവങ്ങാട് ഫിനിക്സ് ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത രഞ്ജി ക്രിക്കറ്റ് ക്ലബ് 25 ഓവറിൽ ഏഴ് വിക്കറ്റ് നഷ്ടത്തിൽ 195 റൺസെടുത്തു. മറുപടിയായി ഫിനിക്സ് ക്രിക്കറ്റ് ക്ലബ് 19 ഓവറിൽ 77 റൺസിന് എല്ലാവരും പുറത്തായി. പുറത്താകാതെ 70 റൺസ് നേടിയ രഞ്ജി ക്രിക്കറ്റ് ക്ലബ് താരം ഷെറിൻ മികച്ച കളിക്കാരനായി. രണ്ടാം മത്സരത്തിൽ ചേറ്റംകുന്ന് കോസ്മോസ് ക്രിക്കറ്റ് ക്ലബ് എട്ട് വിക്കറ്റിന് കണ്ണൂർ യങ്സ്റ്റേഴ്സ് ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത യങ്സ്റ്റേഴ്സ് ക്രിക്കറ്റ് ക്ലബ് 23.2 ഓവറിൽ 81 റൺസിന് എല്ലാവരും പുറത്തായി. മറുപടിയായി കോസ്മോസ് ക്രിക്കറ്റ് ക്ലബ് 12 ഓവറിൽ രണ്ട് വിക്കറ്റ് നഷ്ടത്തിൽ വിജയലക്ഷ്യം നേടി. പുറത്താകാതെ 26 റൺസും രണ്ട് വിക്കറ്റും നേടി കോസ്മോസ് ക്രിക്കറ്റ് ക്ലബ് താരം എ.സി.എം. ഫിജാസ് അഹമ്മദ് മാൻ ഓഫ് ദ മാച്ചായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.