കണ്ണൂർ: സ്കൂൾ ബസുകൾ കൂട്ടിയിടിച്ച് രണ്ട് വിദ്യാർഥികൾക്ക് പരിക്ക്. തളാപ്പ് ഗവ. മിക്സഡ് യു.പി സ്കൂൾ വിദ്യാർഥികളായ വൈഷ (ആറ്), വിഷ്ണു (ഏഴ്) എന്നിവർക്കാണ് പരിക്ക്. ഇരുവരെയും നഗരത്തിലെ സ്വകാര്യ ആശുപത്രിയിൽ പ്രവേശിപ്പിച്ചു. തിങ്കളാഴ്ച രാവിലെ ഒമ്പതോടെ അലവിൽ പുതിയാപറമ്പ് കള്ളുഷാപ്പിനടുത്താണ് അപകടം. കണ്ണൂരിലേക്ക് വരുകയായിരുന്ന പയ്യാമ്പലം ഉർസുലിൻ സ്കൂൾ ബസും രാജാസ് സ്കൂൾ റോഡിൽനിന്ന് അലവിൽ റോഡിലേക്ക് കയറുകയായിരുന്ന തളാപ്പ് മിക്സഡ് യു.പി സ്കൂൾ ബസുമാണ് തമ്മിലിടിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.