ക്യാമ്പുകളിൽ 24 മണിക്കൂര് വൈദ്യസഹായം ഉറപ്പാക്കണം മന്ത്രി ആലപ്പുഴ: ദുരിതാശ്വാസ മേഖലയിലെ മെഡിക്കല് ക്യാമ്പുകളില് 24 മണിക്കൂറും വൈദ്യസഹായം ഉറപ്പാക്കണമെന്ന് ആരോഗ്യസാമൂഹികനീതി മന്ത്രി കെ.കെ. ശൈലജ. ഡോക്ടര്മാര്, നഴ്സുമാര്, പാരാമെഡിക്കല് ജീവനക്കാര് എന്നിവര് ക്യാമ്പില് 24 മണിക്കൂറും ഉണ്ടായിരിക്കണമെന്ന് അവർ ആരോഗ്യ വകുപ്പ് ഉദ്യോഗസ്ഥര്ക്ക് കര്ശന നിര്ദേശം നല്കി. ഇതോടൊപ്പം മരുന്നുകളുടെ ലഭ്യതയും ഉറപ്പുവരുത്തണം. ചെങ്ങന്നൂര് െഎ.എച്ച്.ആർ.ഡി എൻജിനീയറിങ് കോളജില് പ്രവര്ത്തിക്കുന്ന ക്യാമ്പ് സന്ദർശിക്കവേയാണ് മന്ത്രി ഇക്കാര്യം വ്യക്തമാക്കിയത്. സന്ദര്ശിച്ച ക്യാമ്പുകളിലെല്ലാം ആവശ്യത്തിലധികം മരുന്നുകള് ലഭ്യമാക്കിയിട്ടുണ്ടെന്നും മന്ത്രി വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.