കാസർകോട്: കാലവർഷക്കെടുതിയിൽ വിച്ഛേദിക്കപ്പെട്ട വൈദ്യുതിബന്ധം പുനഃസ്ഥാപിക്കുന്നതിനിടയിൽ വൈദ്യുതിത്തൂണിൽനിന്ന് ഷോക്കേറ്റ് തെറിച്ചുവീണ് ലൈന്മാന് മരിച്ചു. നെല്ലിക്കുന്ന് വൈദ്യുതി സെക്ഷന് ഓഫിസിലെ ലൈന്മാന് നീലേശ്വരം കടിഞ്ഞിമൂല സ്വദേശി ഷണ്മുഖനാണ് (55) മരിച്ചത്. വ്യാഴാഴ്ച വൈകീട്ട് മൂേന്നാടെ മീപ്പുഗിരിയില് ഇലക്ട്രിക് പോസ്റ്റില് കയറി കണക്ഷന് ശരിയാക്കുന്നതിനിടയിലാണ് ഷോക്കേറ്റ് തെറിച്ചുവീണത്. സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. വിവരമറിഞ്ഞ് ഉന്നത ഉദ്യോഗസ്ഥര് സ്ഥലത്തെത്തിയിരുന്നു. മൃതദേഹം വിദഗ്ധ പോസ്റ്റ്മോര്ട്ടത്തിനായി പരിയാരം മെഡിക്കല് കോളജ് ആശുപത്രിയിലേക്ക് കൊണ്ടുപോകും. ഭാര്യ: ഉമാവതി. ഏക മകള്: ചിന്നു (ഡിഗ്രി വിദ്യാർഥിനി, പെരിയ കുണിയ ഗവ. കോളജ്). സഹോദരങ്ങള്: തങ്കമണി, സുരേഷ്, മണി, ലീല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.