കൂത്തുപറമ്പ്: അശാസ്ത്രീയമായ രീതിയിൽ കൂത്തുപറമ്പ് ടൗണിൽ നിർമിക്കുന്ന ഡിവൈഡറിനെതിരെ പ്രതിഷേധമുയരുന്നു. വേണ്ടത്ര സൗകര്യമില്ലാത്ത റോഡിൽ ഒരു മീറ്ററോളം വീതിയിൽ ഡിവൈഡർ നിർമിക്കുന്നതാണ് പ്രതിഷേധത്തിനിടയാക്കിയിട്ടുള്ളത്. കെ.എസ്.ടി.പി പദ്ധതിയിൽ ഉൾപ്പെടുത്തി നവീകരിക്കുന്ന കൂത്തുപറമ്പ് ടൗണിലാണ് ഡിവൈഡർ നിർമാണം ആരംഭിച്ചിട്ടുള്ളത്. പാലത്തുങ്കര മുതൽ മൂര്യാട് റോഡ് ജങ്ഷൻ വരെയുള്ള ഭാഗത്താണ് ഡിവൈഡർ നിർമാണം നടന്നുവരുന്നത്. ആവശ്യത്തിന് സൗകര്യമില്ലാത്ത ഈ ഭാഗത്ത് ഒരു മീറ്ററോളം വീതിയിലുള്ള ഡിവൈഡർ നിർമിക്കുന്നതാണ് ജനങ്ങളിൽ പ്രതിഷേധത്തിനിടയാക്കിയത്. കോടികൾ ചെലവഴിച്ചാണ് തലശ്ശേരി മുതൽ വളവുപാറ വരെയുള്ള റോഡ് നവീകരണം നടക്കുന്നത്. എന്നാൽ, പല ഭാഗങ്ങളിലും നിലവിലുള്ള വീതിയിൽ തന്നെയാണ് റോഡ് നവീകരിച്ചിട്ടുള്ളത്. ഇതിനിടയിൽ, ഉള്ള സൗകര്യം പോലും നഷ്ടപ്പെടുത്തിയുള്ള ഡിവൈഡർ നിർമാണമാണ് പ്രശ്നങ്ങൾ സൃഷ്ടിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.