കാസർകോട്: സംസ്ഥാന സാക്ഷരതാമിഷൻ നടപ്പിലാക്കുന്ന അക്ഷരലക്ഷം പരീക്ഷ ഈ മാസം അഞ്ചിന് ജില്ലയില് നടക്കും. 1734 പേരാണ് ജില്ലയില് പരീക്ഷ എഴുതുന്നത്. ഇതില് 557 പേര് കന്നട മാധ്യമത്തില് പരീക്ഷ എഴുതും. രാവിലെ 10 മുതല് 12വരെയാണ് പരീക്ഷ. ജില്ലയിലെ 78 കേന്ദ്രങ്ങളിലാണ് പരീക്ഷ നടക്കുന്നത്. സമ്പൂര്ണ സാക്ഷരതയില്നിന്ന് പരിപൂര്ണ സാക്ഷരത എന്നലക്ഷ്യം നേടിയെടുക്കുന്നതിനുവേണ്ടിയാണ് അക്ഷരലക്ഷം സാക്ഷരതാപരീക്ഷ നടത്തുന്നത്. ആദ്യഘട്ടത്തില് തുടര്വിദ്യാകേന്ദ്രങ്ങള് സ്ഥിതിചെയ്യുന്ന 65 വാര്ഡുകളിലാണ് പദ്ധതി നടപ്പിലാക്കുന്നത്. സംസ്ഥാന സാക്ഷരതാമിഷന് തയാറാക്കിയ പുതിയ പാഠപുസ്തകം ഉപയോഗിച്ചുള്ള ആദ്യ പരീക്ഷകൂടിയാണ് അക്ഷരലക്ഷം സാക്ഷരതാപരീക്ഷ. പരീക്ഷയുടെ ഉദ്ഘാടനം അമ്പലത്തറ സ്കൂളില് കെ. കുഞ്ഞിരാമന് എം.എല്.എ നിര്വഹിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.