തളിപ്പറമ്പ്: തളിപ്പറമ്പില് വിദ്യാര്ഥിനികളെ പീഡിപ്പിക്കാന് ശ്രമിച്ച കേസില് അധ്യാപകൻ അറസ്റ്റില്. മദ്റസ അധ്യാപകനായ ചെക്കിക്കുളം മാണിയൂര് പള്ളിക്കുസമീപത്തെ പുതിയപറമ്പത്ത് ഹൗസില് പി.പി. ഹര്ഷാദിനെയാണ് (34) പോക്സോ നിയമ പ്രകാരം തളിപ്പറമ്പ് എസ്.ഐ കെ. ദിനേശന് അറസ്റ്റ് ചെയ്തത്. വിദ്യാര്ഥിനികളായ പതിമൂന്നും പതിനാലും വയസ്സുള്ള നാലുപേരെ പീഡിപ്പിക്കാന് ശ്രമിച്ചുവെന്നാണ് കേസ്. വൈകുന്നേരങ്ങളില് ഏതാനും കുട്ടികള് സ്കൂള് വിട്ട് നേരെ മദ്റസയിലേക്ക് വരാറുണ്ട്. നേരത്തെ എത്തുന്ന കുട്ടികള് ക്ലാസ് മുറിയില് ഇരിക്കുമ്പോൾ അപമാനിച്ചുവെന്നാണ് പരാതി. ഇവർ പഠിക്കുന്ന സ്കൂളിലെ പ്രധാനാധ്യാപികയുടെ സാന്നിധ്യത്തില് കുട്ടികളുടെ മൊഴിയെടുത്ത ചൈല്ഡ് ലൈന് അധികൃതര്, തളിപ്പറമ്പ് പൊലീസില് പരാതി നല്കുകയായിരുന്നു. തുടര്ന്നാണ് ഹര്ഷാദിനെ കേസെടുത്ത് അറസ്റ്റ് ചെയ്തത്. വിവാഹിതനും മൂന്നു കുട്ടികളുടെ പിതാവുമാണ് ഹര്ഷാദ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.