കൂത്തുപറമ്പ്: കോട്ടയം അങ്ങാടിക്കടുത്ത് പുലിയെ കണ്ടതായി അഭ്യൂഹം. ബുധനാഴ്ച രാത്രി എട്ടു മണിയോടെ ജുമാമസ്ജിദിന് സമീപത്തെ കുടിയാങ്കണ്ടി വീട്ടുപരിസരത്താണ് പുലിയെന്ന് സംശയിക്കുന്ന ജീവിയെ കണ്ടത്. വീട്ടിലുള്ളവർ ബഹളംെവച്ചതിനെ തുടർന്ന് ഓടി മറയുകയായിരുന്നുവത്രെ. നാട്ടുകാർ വിവരം അറിയിച്ചതിനെ തുടർന്ന് രാത്രി കതിരൂർ പൊലീസ് സ്ഥലത്തെത്തി പരിശോധന നടത്തി. കണ്ണവം ഫോറസ്റ്റ് ഡെപ്യൂട്ടി റേഞ്ചർ കെ.വി. ആനന്ദിെൻറ നേതൃത്വത്തിലുള്ള ഉദ്യോഗസ്ഥരും ഫോറസ്റ്റ് റാപ്പിഡ് ആക്ഷൻ ഫോഴ്സും സ്ഥലത്തെത്തി. പ്രദേശത്ത് നിരീക്ഷണം തുടരുമെന്നും ഭയപ്പെടേണ്ട കാര്യമില്ലെന്നും ഫോറസ്റ്റ് അധികൃതർ പറഞ്ഞു. കഴിഞ്ഞ ദിവസം സമീപത്ത് പട്ടിയുടെ ജഡം കണ്ടതായും നാട്ടുകാർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.