കണ്ണൂര്: ബഹുജന് രാഷ്ട്രീയത്തെ തകർക്കാനാവില്ല എന്ന പ്രമേയത്തില് എസ്.ഡി.പി.െഎ സംസ്ഥാന വ്യാപകമായി നടത്തുന്ന പ്രചാരണ ഭാഗമായി കണ്ണൂര് ജില്ല കമ്മിറ്റി ജനകീയ സദസ്സ് സംഘടിപ്പിച്ചു. സംസ്ഥാന വൈസ് പ്രസിഡൻറ് മൂവാറ്റുപുഴ അശ്റഫ് മൗലവി ഉദ്ഘാടനം ചെയ്തു. മര്ദിതെൻറയും കീഴാളരുടെയും രാഷ്ട്രീയ ചെറുത്തുനില്പിനെ നേരിടാന് മാര്ക്സിസ്റ്റുകളും ഫാഷിസ്റ്റുകളും ഐക്യപ്പെടുകയാണെന്ന് അദ്ദേഹം പറഞ്ഞു. പിന്നാക്ക വിഭാഗങ്ങളുടെ ഏതൊരു ഉയിര്ത്തെഴുന്നേല്പ്പിനെയും ഇല്ലാതാക്കുന്ന നടപടികളില് സംഘ്പരിവാർ സ്വീകരിക്കുന്ന നിലപാടിനൊപ്പമാണ് എപ്പോഴും സി.പി.എം നിലകൊണ്ടതെന്നും അദ്ദേഹം പറഞ്ഞു. ജില്ല പ്രസിഡൻറ് ബഷീര് പുന്നാട് അധ്യക്ഷത വഹിച്ചു. ജില്ല ജനറല് സെക്രട്ടറി ബഷീര് കണ്ണാടിപ്പറമ്പ്, കണ്ണൂര് മണ്ഡലം പ്രസിഡൻറ് ബി. ശംസുദ്ദീന് മൗലവി എന്നിവർ സംസാരിച്ചു. ജില്ല സെക്രട്ടറിമാരായ കെ. ഇബ്രാഹീം, എ.സി. ജലാലുദ്ദീന് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.