കാസർകോട്: സാമൂഹിക ദ്രോഹികളുടെ ഉപദ്രവത്തിൽ സഹികെട്ട് മൈലാട്ടിയിലെ മഞ്ജുനാഥയുടെ കുടുംബം. കഴിഞ്ഞ ദിവസം രാവിലെ പൊയിനാച്ചിക്കടുത്ത് മൈലാട്ടി കെ.എസ്.ഇ.ബി സബ് സ്റ്റേഷന് സമീപത്തെ ഇവരുടെ വീട്ടുകിണറ്റിൽ വീണ്ടും കരിഒായിൽ കലർന്നതായി കണ്ടെത്തി. ശനിയാഴ്ച രാവിലെ മഞ്ജുനാഥയുടെ മകന് ശിവപ്രസാദ് കിണറ്റില്നിന്ന് വെള്ളമെടുത്തപ്പോഴാണ് കരിഓയില് ശ്രദ്ധയില്പെട്ടത്. ഇത് രണ്ടാം തവണയാണ് കിണറ്റില് കരിഓയില് പ്രത്യക്ഷപ്പെടുന്നത്. കഴിഞ്ഞ മാര്ച്ച് ഏഴിനും കിണറ്റില് കരിഓയില് ഒഴിച്ചത് കണ്ടെത്തിയിരുന്നു. അന്ന് പൊലീസില് പരാതി നല്കിയിരുന്നെങ്കിലും പിന്നിൽ പ്രവർത്തിച്ചവരെ കണ്ടെത്താൻ കഴിഞ്ഞില്ല. സ്വന്തം ചെലവിൽ കിണര് വൃത്തിയാക്കുകയായിരുന്നു അന്ന്. ഇതിനു പിന്നാലെയാണ് വീണ്ടും കിണറ്റില് കരിഓയില് പ്രയോഗമുണ്ടായത്. നേരത്തെ, വീടിനുമുന്നില് നിര്ത്തിയിട്ടിരുന്ന സ്കൂട്ടർ രണ്ടുതവണ അജ്ഞാതർ പെയിൻറടിച്ച് വികൃതമാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.