തലശ്ശേരി: കണ്ണൂർ ജില്ല എ ഡിവിഷൻ ലീഗ് ക്രിക്കറ്റ് മത്സരത്തിൽ ധർമടം ഒഴയിൽഭാഗം ക്രിക്കറ്റ് ക്ലബ് രണ്ട് റൺസിന് ധർമടം ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ്ചെയ്ത ഒഴയിൽഭാഗം ക്രിക്കറ്റ് ക്ലബ് 37.2 ഓവറിൽ 195 റൺസിന് എല്ലാവരും പുറത്തായി. ഒഴയിൽഭാഗം ക്രിക്കറ്റ് ക്ലബിന് വേണ്ടി പി.പി. ഷഫീഖ് 61 റൺസ് നേടിയപ്പോൾ ധർമടം ക്രിക്കറ്റ് ക്ലബിന് വേണ്ടി സി.ജെ. ജോയ് 47 റൺസിന് നാല് വിക്കറ്റും ടി. നിജിൽ 28 റൺസിന് മൂന്ന് വിക്കറ്റും വി. മുഹമ്മദ് അഫ്സൽ 33 റൺസിന് രണ്ട് വിക്കറ്റും വീഴ്ത്തി. മറുപടിയായി ധർമടം ക്രിക്കറ്റ് ക്ലബ് 39.2 ഓവറിൽ 193 റൺസിന് എല്ലാവരും പുറത്തായി. ധർമടം ക്രിക്കറ്റ് ക്ലബിന് വേണ്ടി എം.പി. രൂപേഷ് 74 റൺസും വി. മുഹമ്മദ് അഫ്സൽ 52 റൺസുമെടുത്തു. ഒഴയിൽഭാഗം ക്രിക്കറ്റ് ക്ലബിന് വേണ്ടി എം.കെ. റഷീദ് 28 റൺസിന് നാല് വിക്കറ്റും കെ.ടി. ഷാനിദ്, സി.കെ. അസ്കർ, മുഹമ്മദ് നൗഷിദ് എന്നിവർ രണ്ട് വിക്കറ്റ് വീതവും വീഴ്ത്തി. എം.കെ. റഷീദാണ് കളിയിലെ മികച്ച താരം. വ്യാഴാഴ്ച നടക്കുന്ന ആദ്യ സെമിയിൽ തലശ്ശേരി ബി.കെ 55 ക്രിക്കറ്റ് ക്ലബ് ധർമടം സീഗൾസ് ക്രിക്കറ്റ് ക്ലബിനെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.